S rás

Innleiðing

S-rásin (sum-rásin) vísir hvussu nógvar observatiónir eru minni enn ella eins stórar hvørja ávísa observatión - fyri bólkaðar observatiónir.

Note

S-rásin er hin bólkaði kumuleraði frekvensurin, samsvarandi Trappumyndina, ið vísir tað sama fyri óbólkaðar observatiónir. Munurin er, at S-rásin verður tekna sum ein linja millum mørkini á bólkunum (ikki sum ein trappa), av tí vit ikki kenna nágreiniligu virðini, inni í hvørjum bólki.

Uppbygging

  • X-ás: virðini (bólkamarkini)
  • Y-ás: kumuleraður frekvensur (ofta í prosentum)
  • Rásin vaksur frá 0% til 100%

Dømi

Dátur um aldur, sama dømi sum á frekvenstabell-síðuni:

Aldur Títtleiki Kumulerað
0-20 10 10
20-40 25 35
40-60 30 65
60-80 20 85
80-100 15 100

Hvat kunnu vit lesa?

Frá S-rásini kunnu vit lesa:

  1. Medianina: Tað virðið, har rásin fer ígjøgnum 50%
  2. Fjórðingsmørkini: \(Q_1\) við 25%, \(Q_3\) við 75%
  3. Prosentil: Hvønn prosentil, ið tørvur er á

Dømi: Finn medianina

Hava vit 100 dátapunkt og vilja finna medianina, hyggja vit at, hvar rásin fer ígjøgnum 50 (tað 50. datapunktið). Í hesum dømi liggur tað í bólkinum 40-60.

Skap

S-rásin hevur ofta skap sum eitt “S”, tí:

  • Hon byrjar lágt (fáar observatiónir í fyrstu bólkunum)
  • Hon vaksur skjótast í miðjuni (flestu observatiónir)
  • Hon slakkar av aftur ovarlaga (fáar observatiónir í síðstu bólkunum)

Nýtsla

S-rásin kann serliga brúkast til at:

  • Avlesa prosentil
  • Vísa kumulativa vøksturin
  • Avlesa median og fjórðingsmørk grafiskt

Filmur