Hvat er ein linjurøtt funktión
Linjurættar funktiónir
Um øll punktini á einum grafi liggja í einari rættari linju, siga vit at funktiónin er linjurøtt. Til dømis:
\[y = x + 3\]
Út frá hesari líkningin kunnu vit siga at \(y\)-virðini eru heft til \(x\)-virðini. Vit kunnu skriva nøkur talpør inn í eina tabel, sum vit ofta kalla fyri fiskabein:
| \(x\) | 0 | 1 | 3 | 8 | 10 | 100 |
|---|---|---|---|---|---|---|
| \(y\) | 3 | 4 | 6 | 11 | 13 | 103 |
Forskriftin á einari linjurættari funktión
Sum heild kunnu vit siga at ein linjurøtt funktión hevur forskriftina:
\[f(x) = ax + b\]
og tilsvarandi líkningina:
\[y = ax + b\]
Vit hava sæð at vit kunnu avmynda funktiónir í eina krossskipan. Vit forklára og vísa dømi í filminum. Á næstu síðu forklára vit hvat a og b eru, og hvussu virðini á teimum ávirka grafin.