Sum foreldur kanst tú gera nógv fyri at stuðla tínum barni: Tú noyðist ikki at duga alt í støddfrøði sjálv/ur - men tú kanst tosa um hugtøk, hjálpa barninum at skipa heimaarbeiði, og vísa, hvussu støddfrøði verður brúkt í gerandisumstøðum. Tað kundi verið um t.d. pengar, klokkuna, støddfrøðilig spøl og í dagligum avgerðum. Les meira um, hvussu tú kanst stuðla tínum barni.
Undirvísarar eru hjartað í góðari støddfrøðiundirvísing. Teir veita vegleiðing, stuðul, uppgávur, og hjálpa næmingum at síggja samband millum hugtøk, praktiska nýtslu og støddfrøðiligar sannføringar. Her kanst tú finna ráð og amboð til at styrkja tína undirvísing.
At fara til próvtøku eigur ikki at vera ein keðilig uppliving - heldur ikki í støddfrøði! Her vísa vit, hvussu tú kanst fyrireika teg, soleiðis at próvtøkan eydnast so væl sum gjørligt. Her leggja vit ikki dent á tað tekniska, men heldur hvussu ein kann skipað sítt arbeiði, leita sær hjálp og venja á besta hátt.
Allir næmingar brúka í dag teldur til at rokna. Til dømis verða Maple, TI-Nspire ella GeoGebra brúkt til at arbeiða við støddfrøðiligum trupulleikum, grafum og útrokningum. CAS-vegleiðingarnar vísa, hvussu tú kanst nýta hesi amboð, so tú fær eitt betri yvirlit og lættari skilur undirliggjandi hugtøkini.
Støddfrøði er ikki bert nakað ið finst í skúlum - tað er allastaðni! Í náttúru, í tónleiki, í peningamálum, í samfelagsviðurskiftum og í hugsanarspølum. Her ynskja vit at vísa, hvussu tú kanst #RoknaTaðÚt, við at vísa, hvussu alt møguligt í lívinum hevur eina støddfrøðiliga síðu, sum tú kanst granska, spyrja og rokna við.
Støddfrøði á miðnámi er øðrvísi enn tann tú kennir úr fólkaskúlanum. Her verður væntað, at tú ikki bara kann rokna svarini - tú skalt eisini skilja og arbeiða við hugtøkum ella prógvum av setningum. Tú skalt hugsa meira abstrakt, arbeiða nógv við algebra og skilja formlarnir ið verða nýttir. Góð fyrireiking millum fólkaskúla og miðnám hjálpir tær at koma væl frá byrjan.